"Vaşinqton İrana qarşı tarixdəki ən sərt sanksiyaları tətbiq edəcək".
“Operativ Məlumat Mərkəzi-OMM” xəbər verir ki, bu sözləri ABŞ maliyyə naziri Skott Bessent deyib
Onun sözlərinə görə, əsas diqqət Tehrana qarşı iqtisadi tədbirlərə yönəldiləcək və bu, İrana qarşı yeni genişmiqyaslı hərbi əməliyyatların başlanması ehtiyacını azalda bilər.
ABŞ maliyyə naziri bildirib ki, avqustun 24-də keçirəcəyi mətbuat konfransında Vaşinqtonun İrana qarşı konkret olaraq hansı addımları atacağını açıqlayacaq.
“Bu, ikiqat zərbədir. Bizdə blokada var və tarixdəki ən sərt sanksiyalarımız olacaq”, - Bessent bildirib.
Bessent xəbərdarlıq edib ki, İranla əməkdaşlığı davam etdirən, Tehrana pul köçürən və ya İrandan neft alan istənilən ölkəyə qarşı ABŞ Maliyyə Nazirliyi və hökuməti öz bütün güc və imkanlarından istifadə edəcək.
O, ABŞ-nin müttəfiqlərini İran iqtisadiyyatının çökdürülməsi istiqamətində Vaşinqtonun səylərinə qoşulmağa çağırıb.
“Biz bu rejimi devirəcəyik. Müttəfiqlərimizin və bütün dünyanın qərar verməsinin vaxtıdır. Ya bizimləsiniz, ya da bizə qarşısınız”, - Bessent əlavə edib.
