ABŞ tərəfindən quru əməliyyatları başladılarsa, İran hücumların miqyasını əhəmiyyətli dərəcədə genişləndirə bilər.
"Operativ Məlumat Mərkəzi-OMM" xəbər verir ki, bu barədə "The Wall Street Journal" nəşri analitiklərin rəylərinə istinadən məlumat yayıb.
Mütəxəssislərin fikrincə, Tehranın əsas hədəfləri aşağıdakılar ola bilər:
- Dəniz neft platformaları;
- Elektrik stansiyaları;
- Digər kritik infrastruktur obyektləri.
"Chatham House" mərkəzinin Yaxın Şərq və Şimali Afrika proqramının direktoru Sənam Vəkil bildirib ki, İran ABŞ-nin istənilən müdaxiləsini həm iqtisadi, həm də siyasi baxımdan səmərəsiz etməyə çalışacaq.
Onun sözlərinə görə, rəsmi Tehran ilk mərhələdə pilotsuz uçuş aparatları vasitəsilə kütləvi zərbələr endirəcək, daha sonra isə qonşu ölkələri də əhatə edəcək şəkildə cavab tədbirlərini genişləndirəcək.
Bundan əvvəl ABŞ ordusunun istefada olan polkovniki Duqlas Makqreqor qeyd edib ki, İran Amerikanın quru əməliyyatına tam hazırdır, lakin Vaşinqton İslam Respublikasının bu hazırlığını lazımi qədər qiymətləndirmir.
O əlavə edib ki, ABŞ-ın qoşunları nəzərdə tutulan əraziyə təhlükəsiz şəkildə çatdırmaq üçün nə müvafiq infrastrukturu, nə də imkanı var.
