OMM Redaksiyası
Birləşmiş Ştatlar İrana qarşı həftələrlə davam edə biləcək genişmiqyaslı hərbi kampaniyaya hazırlaşır.
"Operativ Məlumat Mərkəzi-OMM" xəbər verir ki, bu barədə “Reuters” agentliyi məlumat yayıb.
Bildirilir ki, ABŞ Prezidenti Donald Tramp Tehranla saziş əldə olunması istiqamətindəki diplomatik səyləri dayandıracağı təqdirdə, ordunun hücum əmri icra ediləcək.
Bu, iki ölkə arasında indiyədək görünməmiş dərəcədə ciddi münaqişəyə yol aça bilər.
Məlumata görə, hazırkı hazırlıqlar ötən ilin yayında planlaşdırılan nüvə obyektlərinə zərbələrdən daha mürəkkəb xarakter daşıyır.
Bu dəfə ABŞ hərbçiləri yalnız nüvə infrastrukturunu deyil, həm də İranın dövlət və güc strukturlarını hədəf almağı planlaşdırırlar. Vaşinqton Tehranın cavab addımları atacağını və bunun qarşılıqlı zərbələr seriyasına çevriləcəyini gözləyir.
Xatırladaq ki, fevralın 6-da Omanda ABŞ və İran nümayəndə heyətləri arasında nüvə proqramı ilə bağlı dolayı danışıqlar baş tutub. Danışıqların davam etdirilməsi nəzərdə tutulsa da, tərəflərin kəskin bəyanatları gərginliyin pik həddə olduğunu göstərir.
