Əli Məmmədli
ABŞ-nin Şimali Karolina ştatının Çapel Hill şəhərindəki universitetin əməkdaşı kampusda atışma nəticəsində həlak olub.
"Operativ Məlumat Mərkəzi-OMM" xəbər verir ki, bu barədə CNN polis sözçüsü Brayan Ceymsə istinadən məlumat yayıb.
Bir neçə dəfə atəş açan şəxs saxlanılıb. Hüquq-mühafizə orqanları mərhumun və saxlanılan şəxsin adlarını açıqlamayıb.
Təxliyə zamanı bir neçə tələbə universitet binalarından birinin pəncərəsindən atılıb.
Ümumilikdə, bu ilin birinci yarısında ABŞ-də 421 kütləvi atışma olub, onlardan 28-i qətliam kimi təsnif edilib. Odlu silahlara sahib olmaq hüququ ABŞ Konstitusiyasına ikinci düzəlişlə tənzimlənir.
