Afət Ziyadqızı
İsrail və HƏMAS hərəkatı arasında münaqişənin kəskinləşməsi hərbi dəstəyin yenidən bölüşdürülməsi səbəbindən Ukrayna Silahlı Qüvvələrinin (UAF) əməliyyatlarına böyük təsir göstərəcək.
"Operativ Məlumat Mərkəzi-OMM" xəbər verir ki, bu barədə "Business Insider" hərbi ekspertə istinadən bildirir.
Agentliyin həmsöhbəti hesab edir ki, Qərb ölkələrinin İsrailə artilleriya mərmilərinin göndərilməsinin istiqamətini dəyişdirməsi Ukraynanı hərbi əməliyyatlarının miqyasını azaltmağa məcbur edəcək. Bu, qoşunların və bölgələrin strateji mövqeləri üçün riski artıracaq.
Ekspert xəbərdarlıq edib ki, Ukraynanın müttəfiqləri silah və sursat üçün mərmi istehsal gücü aşağı olduğundan, xüsusən də dünyanın o tayında böyük hərbi əməliyyatların başlayacağı təqdirdə Ukraynaya adekvat dəstək verə bilməyəcək.
