Afət Ziyadqızı
İsrail Hərbi Hava Qüvvələri dünən gecə Livandakı Hizbullah hərəkatının hədəflərinə qarşı hücumlar həyata keçirib.
"Operativ Məlumat Mərkəzi-OMM" xəbər verir ki, bu barədə İsrail Müdafiə Qüvvələrinin bəyanatında deyilir.
Açıqlamada, "İsrail Hərbi Hava Qüvvələri Livanın cənubundakı bir çox bölgədə Hizbullahın onlarla hədəfini vurub" ifadəsi işlədilib.
Hücumlardan biri sentyabrın 23-də İsrailin şimalındakı Cəzril vadisinə raket zərbəsi endirən Hizbullaha bağlı silahlı birləşməni hədəf alıb.
Digər tərəfdən İsrail ordusunun artilleriya bölmələri Livanın cənubundakı Ayta əş-Şaab və Ramiye bölgələrində əlavə hədəfləri vurub.
