Afət Ziyadqızı
31 martda İsrail qüvvələri Livanın cənubundakı bir neçə əraziyə zərbələr endirib.
"Operativ Məlumat Mərkəzi-OMM" xəbər verir ki, bu barədə Livan Milli Xəbər Agentliyi məlumat yayıb.
Agentlik İsrail ordusunun (İDF) Zəhran çayının cənubundakı yaşayış məntəqələrini evlərini tərk etmələri barədə xəbərdar etdiyini bildirib.
Öz növbəsində, Hizbullah Livan-İsrail sərhədindəki Misqav Am yaşayış məntəqəsində İsrail hərbi nəzarət məntəqəsinə və Maalot-Tarşiha yaşayış məntəqəsində hava hücumundan müdafiə sisteminə zərbələr endirdiyini açıqlayıb.
İsrail Müdafiə Qüvvələri həmçinin 30 martda Livanın cənubunda baş verən döyüşlərdə dörd İsrail əsgərinin öldüyünü və ikisinin yaralandığını bildirib.
Qeyd edək ki, Livan, Hizbullahın ABŞ və İsrailin hücumlarına məruz qalan İranı dəstəkləmək üçün İsrailə raket atmasından sonra, 2 martdan bəri Yaxın Şərq müharibəsinə qarışıb. Buna cavab olaraq İsrail Livana qarşı yeni quru və hava hücumları həyata keçirib.
Livan hakimiyyət orqanlarının məlumatına görə, İsrailin Livana endirdiyi zərbələr nəticəsində 124.700-dən çox insan həlak olub. Onların arasında 120-dən çox uşaq, təxminən 80 qadın və onlarla tibb işçisi var.
