ABŞ Prezidenti Donald Tramp, Almaniya kansleri Fridrix Mertzə Ukraynaya ötürülmək məqsədilə beş ədəd "Patriot" zenit-raket kompleksi (ZRK) almasını təklif edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Məlumata görə, Ağ Evin rəhbəri bu təklifi 11 iyul tarixində Almaniya kansleri ilə telefon danışığı zamanı irəli sürüb.
Fridrix Mertz Trampın təklifini qəbul edib, lakin əlavə edib ki, maliyyələşdirməni digər Avropa liderləri ilə müzakirə etməlidir.
Qeyd olunur ki, ilkin olaraq Berlin Ukraynaya iki ədəd "Patriot" qurğusu verməyi, əvəzində isə Birləşmiş Ştatlardan yenilərini almağı planlaşdırıb.
