Fələstinə dəstək nümayişlərinə rəhbərlik etdiyi üçün İmmiqrasiya və Gömrük Mühafizəsi (ICE) rəsmiləri tərəfindən saxlanılan Kolumbiya Universitetinin tələbəsi Mahmud Xəlil mart ayından bəri saxlandığı ICE təcridxanasından sərbəst buraxılıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Mətbuat mənsublarına açıqlama verən Xəlil bildirib:
"Ədalət zəfər çaldı, amma gec idi. Bu, 3 ay çəkməməli idi".
Xəlil eyni yerdə saxlanılan 1000-dən çox adamı da xatırlayaraq, onların da haqsız yerə tutulduğunu bildirib.
