Aİ ticarət gəmilərini qorumaq üçün Qırmızı dənizə hərbi gəmilər göndərəcək

Avropa İttifaqı husilərin ticarət gəmiçiliyinə hücumlarını dayandırmaq üçün mart ayına qədər Qırmızı dənizə ən azı üç hərbi gəmi göndərməyi planlaşdırır.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Aİ diplomatik xidmət təklifində deyilir ki, təsirli olması üçün Aİ qüvvələrinin tərkibinə çoxməqsədli hava hücumundan müdafiə sistemlərinə malik ən azı üç esmines və ya freqat daxil edilməlidir və onların ən azı bir il bölgədə olması lazımdır.

Onlar həmçinin "peyk dəstəyi ilə havadan erkən xəbərdarlıq qabiliyyətinə sahib olmalıdırlar".