ABŞ prezidenti Donald Tramp Ukrayna prezidenti Vladimir Zelenski ilə telefon danışığından sonra onun Rusiya prezidenti Vladimir Putin kimi sülh istədiyini deyib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, bu barədə Tramp özünün "Truth Social" platformasında yazıb.
“Biz münaqişə ilə bağlı müxtəlif mövzuları müzakirə etdik. Ümid edirəm ki, bu görüşün nəticələri müsbət olacaq. Kütləvi və tamamilə lazımsız ölümə səbəb olan bu absurd müharibəni dayandırmağın vaxtıdır", - yazıda deyilir.
Həmçinin Ukrayna prezidentinin mətbuat xidməti bildirib ki, Zelenski və Tramp sülhə nail olmaq imkanlarını, komanda səviyyəsində birgə işləmək istəyini müzakirə ediblər.
ABŞ prezidenti Rusiya prezidenti ilə telefon danışığının təfərrüatlarını da ukraynalı həmkarı ilə bölüşüb.
