Qırmızı dənizdə Yəmənin Hodeyda liman şəhərindən təxminən 60 dəniz mili cənub-qərbdə gəmiyə hücum edilib.
"Operativ Məlumat Mərkəzi-OMM"-in məlumatına görə, bu barədə Böyük Britaniya Dəniz Ticarət Daşımılarının Əlaqələndirilmə Mərkəzi (UKMTO) və Britaniyanın dəniz təhlükəsizliyi məsələləri ilə məşğul olan "Ambrey" şirkəti məlumat yayıb.
"Gəminin kapitanı gəminin yaxınlığında iki raketin aşkar edildiyini bildirib. Biri [Qırmızı dənizdə naviqasiya azadlığını təmin etmək və gəmiləri qorumaq üçün “Prosperity Guardian” əməliyyatını həyata keçirən ölkələrin] koalisiyasi qüvvələri tərəfindən vurulub , ikincisi isə gəminin yanında suya düşüb", - deyə bildirilib.
Qeyd olunub, gəmiyə heç bir ziyan dəyməyib, ekipaj üzvləri isə xəsarət almayıb. O, təyinat limanına qədər hərəkət etməyə davam edir.
