Oman sahillərində neft tankerinin yaxınlığında partlayış səsi eşidilib.
“Operativ Məlumat Mərkəzi-OMM” xəbər verir ki, bu barədə Böyük Britaniyanın "UKMTO" (Birləşmiş Krallıq Dəniz Ticarət Əməliyyatları) təşkilatı məlumat yayıb.
Məlumata görə, Oman sahilləri yaxınlığında hərəkətdə olan neft tankerinin kapitanı gəminin yaxınlığında güclü partlayış səsi eşidildiyini bildirib.
İlkin məlumatlara əsasən, hadisə nəticəsində gəmi heyətinin üzvləri arasında xəsarət alan olmayıb. Bütün heyət üzvlərinin təhlükəsiz vəziyyətdə olduğu qeyd edilir.
Hazırda insidentin səbəbləri və başvermə şəraiti ilə bağlı araşdırmalar davam etdirilir. Hadisənin hansı amillərdən qaynaqlandığı hələlik müəyyən edilməyib.
