Ukraynanın Baş naziri Denis Şmiqal Estoniyaya səfər edib.
"Operativ Məlumat Mərkəzi-OMM" ERR-ə istinadən xəbər verir ki, Ukrayna hökumət başçısı Estoniya Prezidenti Alar Karis, Baş nazir Kaya Kallas və Parlament (Riigikogu) sədri Lauri Hussar ilə görüşəcək.
Denis Şmiqal estoniyalı həmkarı Kaya Kallasla görüşdə Ukraynaya hərtərəfli yardım, o cümlədən Ukraynanın yenidən qurulmasını müzakirə edəcək. Rusiyanın dondurulmuş aktivlərinin təyinatı, təqibi və sanksiyalar mövzusu da müzakirə olunacaq. Baş nazirlər Ukraynanın Avropa İttifaqı və NATO-ya üzvlük yolundakı addımları barədə də fikir mübadiləsi aparacaq.
Ukraynanın Baş naziri Tallin Texnologiya Universitetində çıxışı da gözlənilir.
