Taylandın Pattaya şəhəri yaxınlığındakı Banq Lamunq rayonunda buz fabrikində ammonyak sızması baş verib.
"Operativ Məlumat Mərkəzi-OMM" xəbər verir ki, bu barədə “Shot" teleqram kanalı məlumat yayıb.
Teleqram kanalının məlumatına görə, 130 nəfər xəsarət alıb.
"Zərərçəkənlərdən bəziləri huşsuz vəziyyətdədir. Bir çox insanlar gözlərdə və burunda yanma hissi, həmçinin döş qəfəsində sıxılma hissindən şikayətlənib. Sızmanın nədən baş verdiyi məlum deyil", - məlumatda bildirilib.
Rusiyalı turistlər kanala bildiriblər ki, fövqəladə hallar işçiləri onlara sızmanın nəticələrini yaxın iki gündə aradan qaldıracaqlarına söz veriblər. Sakinlərə evlərini tərk etməmək və pəncərələri açmamaq tövsiyə olunub.
