Hindistanda aprelin 19-da başlayacaq və iyunun 1-dək davam edəcək ümumi seçkilər çərçivəsində 1 milyarda yaxın seçici federal parlamentin aşağı palatası olan Xalq Assambleyasının (Lok Sabha) üzvlərini müəyyən etmək üçün səs verəcək.

"Operativ Məlumat Mərkəzi-OMM" xəbər verir ki, son seçkilərdə qalib gələn Hindistanın baş naziri Narendra Modi rəhbərlik etdiyi Bharatiya Janata Partiyasının (BJP) rəhbərliyi altında qurulan “Milli Demokratik Alyansa (NDA)” və “Hindistan” adı altında 30-dan çox müxalifət partiyasının geniş koalisiyasına qarşı çıxıb.

Nəticələri iyunun 4-də açıqlanacaq seçki 7 mərhələdən ibarət olacaq və təxminən 6 həftə davam edəcək. Ölkə tarixində ən uzun seçki 1951-ci ilin oktyabrından 1952-ci ilin fevralına qədər keçirilib və 4 ay davam edib.

Əyalətlərin müxtəlif vaxtlarda səs verəcəyi seçki prosesində Xalq Məclisi üzvlərini seçmək üçün sabahdan təxminən 968 milyon seçici səs verməyə başlayacaq.

Əməliyyatdan sonra Slovakiyanın baş naziri Robert Fitsonun həyatı üçün təhlükə hələ də qalır.

"Operativ Məlumat Mərkəzi-OMM" xəbər verir ki, bu barədə “Markiza” telekanalı mənbəyə istinadən məlumat yayıb.

Xatırladaq ki, ötən gün Baş nazir Robert Fitsoya qarşı sui-qəsd cəhdi olub. Atəş Fitso ictimaiyyət arasında çıxdıqdan sonra açılıb və o, sinə və qarın nahiyəsindən çoxsaylı yaralar alıb.

Pakistan Silahlı Qüvvələri yerli “Fatah-II” genişmənzilli reaktiv yaylım atəşi sisteminin uğurlu buraxılışını həyata keçirib.

"Operativ Məlumat Mərkəzi-OMM" TASS-a istinadən xəbər verir ki, bu barədə Pakistan Müdafiə Nazirliyinin ictimaiyyətlə əlaqələr şöbəsi məlumat yayıb.

Bildirilib ki, bu buraxılışın məqsədi reaktiv yaylım atəşi sisteminin dizaynını, texniki parametrlərini və müxtəlif alt sistemlərini sınaqdan keçirmək olub. “Fatah-II” adi döyüş sursatlarının çatdırılması üçün nəzərdə tutulub. Sistemin idarə olunan raketləri inertial-peyk yönləndirmə sistemi ilə təchiz olunub və 400 kilometrə qədər məsafədə yüksək dəqiqliklə hədəfləri vurmaq qabiliyyətinə malikdir.

“Slovakiya Respublikasının Baş naziri Robert Fitsonun həyati təhlükəsi yoxdur”.

"Operativ Məlumat Mərkəzi-OMM" xəbər verir ki, bunu “BBC”yə Slovakiya Baş nazirinin müavini və ətraf mühitin mühafizəsi naziri Tomas Taraba deyib.

O, Robert Fitsonun əməliyyatının uğurlu keçdiyini qeyd edib: “Düşünürəm ki, o, sonunda sağ qalacaq. Hazırda onun həyatı üçün təhlükə yoxdur”.

***

Sui-qəsd nəticəsində yaralanmış Slovakiya Respublikasının Baş naziri Robert Fitsonun əməliyyatı uğurlu keçib.

"Operativ Məlumat Mərkəzi-OMM" xəbər verir ki, bu barədə “TA3” telekanalı məlumat yayıb.

Qeyd olunub ki, hazırda onun vəziyyəti stabildir, şüurludur və həkimlərlə danışır.

Xatırladaq ki, bu gün Baş nazir Robert Fitsoya qarşı sui-qəsd cəhdi olub. Atəş Fitso ictimaiyyət arasında çıxdıqdan sonra açılıb və o, sinə və qarın nahiyəsindən çoxsaylı yaralar alıb.

İsrail döyüş təyyarələrinin Qəzza şəhərinin şimalında dinc əhalinin toplaşdığı ərazini hədəf alması nəticəsində çoxlu sayda fələstinli ölüb və yaralanıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İlkin məlumatlara görə, hücumda çoxlu fələstinli həyatını itirib və yaralanıb. Ölən və yaralananlar mülki müdafiə və sağlamlıq qrupları tərəfindən Qəzzanın Əl-Ehli xəstəxanasına çatdırılıb.

Küveytdə Əhməd Abdulla əl-Əhməd əs-Sabahın rəhbərlik etdiyi yeni hökumət and içib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Küveytin rəsmi agentliyi KUNA xəbər verib ki, baş nazir Əhməd Abdulla əl-Əhməd əl-Sabah və 13 nazirdən ibarət yeni hökumət Küveyt əmiri Məşəl əl-Əhməd əl-Cabir əs-Sabahın iştirakı ilə and içib.

Küveyt əmiri Sabah andiçmə mərasimindəki çıxışında "ədalət, şəffaflıq və dürüstlük prinsiplərini gücləndirmək üçün" əvvəllər razılaşdırılmış islahatları davam etdirəcəklərini bildirib.

Vəzifələrinə etinasız yanaşanları məsuliyyətə cəlb edəcəklərini qeyd edən Sabah hökumətdən strateji inkişaf layihələrinin icrasının sürətləndirilməsini, fəaliyyət planı və təqvim əsasında prioritetlərin müəyyənləşdirilməsini, qardaş ölkələrlə diplomatik əlaqələrin gücləndirilməsini və onlarla əməkdaşlıq çərçivələrinin inkişaf etdirilməsini istəyib.