Ukrayna Silahlı Qüvvələrinin (AFU) Krımdakı hava limanına hücumu zamanı Qara dəniz üzərində NATO-ya məxsus PUA aşkar edilib.
"Operativ Məlumat Mərkəzi-OMM" xəbər verir ki, bu barədə "Flightradar" portalının məlumatları sübut edib.
Söhbət Amerikanın RQ-4 Global Hawk strateji kəşfiyyat təyyarəsindən gedir. Pilotsuz təyyarə İtaliyanın Siciliya adasındakı hava bazasından havaya qalxıb.
Amerika pilotsuz uçuş aparatının Qara dəniz üzərində təxminən 19 saat dövr etdiyi qeyd edilib. O, Krımın qərb sahilləri, Sevastopol, Kerç boğazı körpüsü, Novorossiysk və Soçi boyunca üzüb. Pilotsuz uçan aparat neytral sular xətti boyunca, Rusiya ərazisindən 100 km-dən bir qədər çox məsafədə düz xətt üzrə hərəkət edib.
