Sudanda ordu ilə yarımhərbiləşdirilmiş Çevik Dəstək Qüvvələri arasında təxminən bir aya yaxındır davam edən qarşıdurma səbəbindən didərgin düşənlərin sayı 950 minə yaxınlaşıb.
"Operativ Məlumat Mərkəzi-OMM" Birləşmiş Millətlər Təşkilatına (BMT) istinadən xəbər verir ki, aprelin 15-dən bu yana 736,2 min insan ölkə daxilində didərgin düşüb, təxminən 200 min insan isə qonşu ölkələrə sığınıb.
Qaçqın və sığınacaq axtaranların əksəriyyəti təhlükəsiz yer axtarmaq üçün Əl-Cəzirə və Əl Kadarif əyalətlərinə sığınıblar.
Köçkünlərin 500 mindən çoxu paytaxt Xartumdan qaçanlardır.
