Afət Ziyadqızı
ABŞ Senatında Rusiyaya qarşı hazırlanmış yeni sanksiyalar paketi geniş dəstək qazanıb.
“Operativ Məlumat Mərkəzi-OMM” xəbər verir ki, “Axios”un məlumatına görə, respublikaçı senator Lindsi Qremin müəllifi olduğu qanun layihəsinin artıq 60-dan çox həmmüəllifi var. Bu, sənədin Senatda səsverməyə çıxarılması üçün kifayət edir.
Qanun layihəsi Rusiyanın enerji sektoruna, xüsusilə neft və uran ticarətinə qarşı sərt məhdudiyyətlər, eləcə də Rusiya ilə ticarət aparan ölkələrə əlavə gömrük rüsumlarının tətbiqini nəzərdə tutur.
Hazırda Respublikaçılar Partiyasının rəhbərliyi qanun layihəsinin Konqresdə mümkün qədər tez qəbul olunması üçün danışıqları davam etdirir. Bildirilir ki, əsas maneə sənədin Nümayəndələr Palatasında müzakirəsi üçün vaxtın ayrılmasıdır.
