ABŞ və Yaponiyanın birgə raket istehsalına dair razılığa gəlməsindən sonra Şimali Koreya bu qərarı pisləyib.
"Operativ Məlumat Mərkəzi-OMM" xəbər verir ki, bu barədə Şimali Koreya Mərkəzi Xəbər Agentliyi (KCNA) məlumat yayıb.
Xarici İşlər Nazirliyindən verilən açıqlamada, AIM-120 tipli orta mənzilli raketin birgə istehsalı ilə bağlı Vaşinqton və Tokio administrasiyalarının imzaladığı razılaşmaya reaksiya verilib.
Bəyanatda bu addımın Asiya-Sakit Okean regionunda qeyri-sabitliyi artıracağı üçün pislənildiyi və ABŞ-ın region ölkələri ilə müdafiə sahəsində yeni əməkdaşlığının getdikcə aqressivləşdiyi vurğulanıb.
Bəyanatda Pxenyanın ABŞ və onun müttəfiqləri tərəfindən yaradılan qeyri-sabit təhlükəsizlik mühitinə fəal reaksiya verəcəyi barədə xəbərdarlıq edilib.
