Qəzzada ölənlərin sayı 27 478-ə yüksəlib

Oktyabrın 7-dən bu yana İsrailin Qəzzada öldürdüyü fələstinlilərin sayı 27 min 478-ə yüksəlib.

"Operativ Məlumat Mərkəzi-OMM" xəbər verir ki, bu barədə Qəzza Səhiyyə Nazirliyindən məlumat verilib.

İsrail qüvvələrinin Qəzza zolağında son 24 saatda törətdiyi 13 qırğında 113 fələstinlinin həyatını itirdiyi, 205 fələstinlinin isə yaralandığı bildirilib. Yaralıların sayının isə 66 min 835-ə yüksəldiyi qeyd edilib.

Açıqlamada dağıntılar altında və yol kənarında hələ də ölənlərin olduğu, lakin İsrail qüvvələrinin maneəsi üzündən tibb qrupları və mülki müdafiə səlahiyyətlilərinin cəsədlərə çata bilmədiyi bildirilib.