"Enerji infrastrukturu obyektlərinə hücumlara qarşı bir aylıq moratorium başa çatıb, lakin Rusiya prezidenti Vladimir Putin heç bir yeni göstəriş verməyib".
"Operativ Məlumat Mərkəzi-OMM" TASS-a istinadən xəbər verir ki, bu sözləri Moskva sözçüsü Dmitri Peskov deyib.
“Həqiqətən, bir ay keçdi, lakin hazırda Prezident Putindən başqa göstəriş yoxdur”, - Peskov bildirib.
Qeyd edək ki, Martın 18-də ABŞ prezidenti Donald Tramp münaqişə tərəflərinə 30 gün ərzində enerji infrastrukturu obyektlərinə hücumlardan qarşılıqlı şəkildə çəkinmək təklifi irəli sürüb. Rusiya prezidenti Vladimir Putin bu təşəbbüsə müsbət cavab verib və dərhal Rusiya ordusuna müvafiq komandanlığı verib. Daha sonra Vladimir Zelenski bildirib ki, Ukrayna enerji obyektlərinə hücumların dayandırılması təklifini dəstəkləyəcək.
