Fransada 17 yaşlı Naelin polis gülləsi ilə öldürülməsindən sonra Paris ətrafında başlayan hadisələr Strasburqa da sirayət edib.
"Operativ Məlumat Mərkəzi-OMM" xəbər verir ki, Fransa mətbuatında yer alan xəbərə görə, Strasburqda tanınmış texnologiya mağazası və 2 məşhur geyim mağazası qarət edilib. Polis şəhərdə 11 nəfəri həbs edib.
Strasburqda çəkildiyi bildirilən görüntüdə bir çox gəncin polis avtomobilini qarət etdiyi anlar əks olunub.
Şəhər mərkəzində yerli vaxtla saat 19:00-dan səhər saat 04:00-a qədər nümayişlərin keçirilməsi qadağan edilib.
Digər tərəfdən, Parisə yaxın olan Rosny-sous-Bois və Creteil şəhərlərində 2 ticarət mərkəzi qarət edilib. Creteil şəhərində isə 15 nəfər saxlanılıb.
