İspaniyanın xarici işlər naziri Xose Manuel Albares İsrailin "Qlobal Qətiyyət Donanması"na hücumu zamanı qanunsuz şəkildə saxladığı ispan vətəndaşlarını dərhal azad etməsini tələb etdiklərini açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Nazir "Qlobal Qətiyyət Donanması"nda 65 ispan vətəndaşının olduğunu bildirib.
“Donanma üzvləri İsrail üçün heç bir təhdid yaratmır, qanunsuz hərəkət etmək və ya düşmənçilik göstərmək niyyətində deyillər. Buna görə də qətiyyən heç bir ittihamla üzləşməməlidirlər. Hazırda əsas prioritet – beynəlxalq sularda günahsız şəkildə keçid hüququndan istifadə etdikləri üçün dərhal azad edilmələri və İspaniyaya qayıtmalarıdır. Onlara qarşı əsassız və haqsız ittihamları qəbul etməyəcəyəm”, – o əlavə edib.
