ABŞ-nin Florida ştatına doğru "Milton" qasırğası yaxınlaşır.
"Operativ Məlumat Mərkəzi-OMM" xarici KİV-ə istinadən xəbər verir ki, vəziyyətlə əlaqədar milyonlarla sakinin təxliyəsi əmr olunub.
Birləşmiş Ştatlar prezidenti Co Bayden təxliyədən imtina edən şəxslərin ölüm-dirim təhlükəsi ilə üz-üzə qalacağını bildirib.
Meteoroloqların sözlərinə görə, qasırğasının yaratdığı küləyin sürəti saatda 270 kilometrə çatır.
Qasırğanın Florida ştatının qərb sahilində irimiqyaslı dağıntılar törədəcəyi gözlənilir.
Tampa şəhəri siklonun hərəkət etdiyi istiqamətdə yerləşən şəhərlərdən biridir.
Xatırladaq ki, daha əvvəl “Helene” qasırğası Amerikanın bir neçə cənub-şərq ştatında dağıntılar törədib. “Helene” 225 nəfərin ölümünə səbəb olub.
