"Liverpul" diqqətini Braziliyadakı transfer bazarına yönəldib.
"Operativ Məlumat Mərkəzi-OMM" "Football Insider"-ə istinadən xəbər verir ki, mersisayd klubu "Fluminense"nin yarımmüdafiəçisi Andre ilə maraqlanır.
İngiltərə nəhənginin rəhbərliyi futbolçunu qış transfer pəncərəsində almağı planlaşdırır. “Qırmızılar” yanvarda Braziliya tərəfinə konkret təkliflə çıxış edəcək.
"Transfermarkt"ın məlumatına görə, Andrenin dəyəri 15 milyon avro olaraq qiymətləndirilir. Onun "Fluminense" ilə əmək müqaviləsi 2026-cı ilin sonuna qədərdir.
Bu mövsüm yarımmüdafiəçi bütün turnirlərdə 36 matçda iştirak edib və 1 qol vurub.
