Livanın tam blokadaya alınacağı təqdirdə ölkədə üç-dörd aylıq ərzaq ehtiyatı var.
"Operativ Məlumat Mərkəzi-OMM" xarici KİV-ə istinadən xəbər verir ki, bunu Livanın Supermarket Sahibləri Sindikatının rəhbəri Nabil Fəhd deyib.
“Mövcud problemlərə baxmayaraq, indiki mərhələdə ölkədə ərzaq təhlükəsizliyi yüksək səviyyədə təmin edilib. Ölkədə tam blokada olacağı təqdirdə əsas ərzaq növlərinin ehtiyatı 3-4 ay, un ehtiyatı isə bir ay yarım kifayət edəcək”, – o bildirib.
İsrail aviasiyası sentyabrın 23-ü səhər saatlarından etibarən Livanın cənub və şərqindəki yaşayış məntəqələrinə kütləvi zərbələr endirməyə başlayıb. Livan Səhiyyə Nazirliyinin məlumatına görə, 558 nəfər ölüb, 1645 nəfər yaralanıb.
