Afət Ziyadqızı
Qəzza zolağında humanitar fəlakət getdikcə dərinləşir.
"Operativ Məlumat Mərkəzi-OMM" xəbər verir ki, anklavın Səhiyyə Nazirliyinin yaydığı rəsmi məlumata görə, bölgədə aclıq səbəbindən həyatını itirənlərin ümumi sayı 425 nəfərə çatıb, onlardan 145-i uşaqdır.
Qurum bildirir ki, yalnız son 24 saat ərzində aclıqdan daha 3 nəfərin ölümü qeydə alınıb.
2023-cü ilin oktyabrından bu yana İsrail və Fələstin arasında baş verən silahlı münaqişə nəticəsində Qəzzada ölənlərin ümumi sayı 64 905 nəfərə yüksəlib, 164 000-dən çox insan isə müxtəlif dərəcəli xəsarətlər alıb.
Hazırda bölgədə ərzaq, su və dərman çatışmazlığı kritik həddədir. Beynəlxalq təşkilatlar təcili humanitar dəhlizlərin açılmasını və mülki əhalinin müdafiəsini tələb edirlər.
