ABŞ BMT-nin humanitar proqramlarına 2 milyard dollar ayıracaq.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, bu, Vaşinqtonun əvvəlki illərdəki maksimum töhfəsindən təxminən doqquz dəfə azdır.
BMT-nin məlumatına əsasən isə ABŞ-nin son illərdə verdiyi töhfələr 17 milyard dollara çatıb. Lakin ABŞ administrasiyası hesab edir ki, hətta 2 milyard dollarlıq töhfə belə Vaşinqtonun BMT-nin humanitar proqramlarının ən böyük donor statusunu qoruyub saxlamasına imkan verəcək.
Bu ixtisarlar Beynəlxalq Miqrasiya Təşkilatı, Ümumdünya Ərzaq Proqramı və BMT-nin Qaçqınlar üzrə Ali Komissarlığı kimi BMT qurumları üçün ciddi problemlər yaradacaq.
