"Bavariya"nın yarımmüdafiəçisi Leon Qoretskanın yay transfer pəncərəsində klubdan ayrılma ehtimalı azalıb.
"Operativ Məlumat Mərkəzi-OMM" xarici KİV-ə istinadən xəbər verir ki, mövsümün əvvəlində Münxen təmsilçisinin rəhbərliyi futbolçuya təklif gəldiyi təqdirdə onun transferinə razılıq verməyə hazır olduğunu bildirmişdi. Hətta o vaxt Qoretskanın komandadan ayrılma ehtimalı yüksək qiymətləndirilirdi.
Hazırda vəziyyət dəyişib. Münxen klubu portuqaliyalı yarımmüdafiəçi Joao Palhinyanın komandadan ayrılmasından sonra Qoretskanın satılmasını istisna edir.
Qoretskanın "Bavariya" ilə müqaviləsi gələn ilin ortalarında başa çatır. O, ötən mövsümdə bütün turnirlərdə 43 oyun keçirib, 6 qola imza atıb və 2 məhsuldar ötürmə ilə yadda qalıb.
