Rusiya Prezident Administrasiyasının mətbuat katibi Dmitri Peskov ABŞ və İran arasında gərginliyin artması ilə bağlı qiymətləndirmələr edib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
"Biz hesab edirik ki, məsələ yalnız siyasi və diplomatik vasitələrlə müzakirə olunmalıdır və təbii ki, bütün tərəflər mütləq təmkin nümayiş etdirməlidirlər", - Kreml sözçüsü bildirib.
O, bütün məsələləri müzakirə edərkən tərəflərin diqqətini diplomatik səylərə yönəltməli olduğunu vurğulayıb.
"Biz hazırda ABŞ-la münasibətlərimizi canlandırmaq üçün çalışırıq, lakin İran həm də bizim tərəfdaşımız, müttəfiqimizdir və bizim çox inkişaf etmiş, çoxşaxəli münasibətlərimiz var", - Peskov qeyd edib.
