ABŞ və İran Arasında Atəşkəs: Kremlin Mövqeyi Nədir?
ABŞ və İran arasında atəşkəs razılaşması Kreml tərəfindən rəsmən alqışlanıb və Rusiya tərəflərin yaxın gələcəkdə birbaşa diplomatik əlaqələrə başlayacağına ümid edir.
“Operativ Məlumat Mərkəzi-OMM” xəbər verir ki, bu barədə Rusiya Prezidentinin mətbuat katibi Dmitri Peskov məlumat verib.
Onun sözlərinə görə, Kreml ABŞ-la İran arasındakı atəşkəs xəbərini məmnuniyyətlə qarşılayıb. Dmitri Peskov qeyd edib ki, rəsmi Moskva Yaxın Şərqdə eskalasiyadan tez bir zamanda diplomatiya yoluna qayıtmağın vacibliyini əvvəlcədən də vurğulayıb. Sözçü, "Rusiya ümid edir ki, ABŞ və İran danışıqlar masasında öz maraqlarını müdafiə edəcək" deyə əlavə edib.
Yaxın Şərq və Ukrayna Böhranı: Danışıqlar Masasında Nələr Gözlənilir?
Mətbuat katibi Ukrayna nizamlanması məsələsinə də toxunaraq, Ukrayna və İran proseslərinin yalnız dolayı yolla bağlı olduğunu diqqətə çatdırıb. Kreml ümid edir ki, amerikalı danışıqçılar yaxın gələcəkdə Ukrayna böhranının həlli üzərində işləmək üçün daha geniş imkanlara sahib olacaqlar.
Sonda Dmitri Peskov Rusiyanın, xüsusilə Trampın və Amerika nümayəndələrinin Ukrayna istiqamətindəki sülhməramlı səylərini yüksək qiymətləndirdiyini diqqətə çatdırıb.
