Afət Ziyadqızı
Türkiyə Prezidenti Rəcəb Tayyib Ərdoğan “Fırat Kalkanı” əməliyyatının ildönümü ilə bağlı geniş bəyanat yayıb.
“Operativ Məlumat Mərkəzi – OMM” xəbər verir ki, Ərdoğan “Fırat Kalkanı” hərəkatının Türkiyə ordusunun gücünü və qətiyyətini nümayiş etdirmək baxımından həlledici mərhələ olduğunu bildirib.
Türkiyə lideri qeyd edib ki, əməliyyatla Ankara bölgədə terrora, qarşıdurmalara və qeyri-sabitliyə dözməyəcəyini dost və düşmən hər kəsə bəyan edib.
Ərdoğan bildirib ki, Türkiyə ordusunun gücü ölkənin və regionun təhlükəsizliyinin təmin olunmasında mühüm rol oynayır. O, “Fırat Kalkanı” əməliyyatının bu baxımdan Türkiyənin qətiyyətini ortaya qoyduğunu vurğulayıb.
Türkiyə Prezidenti bəyanatında əməliyyat zamanı həlak olan hərbçiləri də yad edib. O, şəhidlərə rəhmət, qəhrəman qazilərə isə minnətdarlıq ifadə edib.
Ərdoğan mesajında Türkiyənin bölgədə terror və qeyri-sabitliyə qarşı mübarizəsini davam etdirəcəyinə işarə edib.
