Afət Ziyadqızı
Türkiyə Prezidenti Rəcəb Tayyib Ərdoğanın xanımı Əminə Ərdoğan 15 iyul hadisələrinin ildönümü ilə bağlı paylaşım edib.
“Operativ Məlumat Mərkəzi-OMM” xəbər verir ki, Əminə Ərdoğan paytaxtdakı "Başket Millət Bağçası"nda keçirilən “10-cu ilində 15 İyul: İradə Bizim, Zəfər Bizim” adlı anım tədbirindən görüntüləri sosial media hesabında paylaşıb.
O, paylaşımında 15 iyul gecəsi xalqın nümayiş etdirdiyi iradə və qətiyyətə diqqət çəkib.
Əminə Ərdoğan bildirib: “Millətimizin iradəsi, dalğalanan bayrağımız kimi azad və yenilməzdir; heç bir güc bu əzmi və qətiyyəti kölgələyə bilməyəcək”.
Qeyd edək ki, tədbir 2016-cı il iyulun 15-də Türkiyədə baş vermiş dövlət çevrilişinə cəhdin 10-cu ildönümü münasibətilə təşkil olunub.
