İran və ABŞ arasında aparılan danışıqların İstanbulda deyil, Omanda keçirilməsi Türkiyəni narahat etmir.
"Operativ Məlumat Mərkəzi-OMM" xəbər verir ki, bu fikirləri Türkiyə Prezident Administrasiyasının Kommunikasiya İdarəsinin sədri Burhanəddin Duran səsləndirib.
O bildirib ki, əsas məsələ Türkiyənin bu prosesin içində nə dərəcədə aktiv rol oynamağıdır. Rəsmi nümayəndə həm İranla, həm də digər tərəflərlə aparılan təmaslar baxımından bunun vacib olduğunu vurğulayıb.
“Danışıqlar başqa ölkələrdə keçirilsə belə, diplomatik yollarla bu görüşlərin baş tutmasının tərəfdarıyıq. Əsas məsələ bizim bu prosesin içində nə dərəcədə aktiv rol oynamağımızdır. Həm İranla, həm də digər tərəflərlə aparılan təmaslar baxımından bu çox vacibdir.
Türkiyə yalnız ABŞ ilə İran arasında deyil, ümumilikdə regional balans və maraqlar çərçivəsində də fəal mövqe tutur”, – deyə Burhanəddin Duran qeyd edib.
