“Mançester Yunayted” İngiltərə Premyer Liqasında ardıcıl qələbə qazana bilmədiyi oyunların sayına görə klub antirekorduna imza atıb. Bu barədə Squawka statistik xidməti məlumat yayıb.
Noyabrın 22-də keçirilən XI turun matçında mankunianlar “Liverpul”a 0:4 hesabı ilə uduzublar. Bu nəticədən sonra komandanın Premyer Liqadakı qələbəsiz oyunlarının sayı doqquza çatıb.
Bu müddətdə “Mançester Yunayted” beş dəfə heç-heçə edib, dörd dəfə məğlub olub. Komanda çempionatda son qələbəsini avqustun 30-da qazanıb.
Doqquz oyunluq qələbəsiz seriya klubun Premyer Liqa tarixində ən uzun belə göstəricisidir.