İspaniyada festival mövsümü yay mövsümü ilə birlikdə sürətləndiyi üçün İsrailin də təşkilata qatıldığını görən sənətçilər bu ölkəyə etiraz olaraq tədbirlərini bir-bir ləğv etməyə başlayıblar.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
28 sənətçi İsrailə etiraz olaraq 12-14 iyun tarixlərində Barselonada keçirilən Sonar musiqi festivalına qatılmayacaqlarını açıqlayıb.
Onlar Sonar festivalının təşkilatçılarından birinin İsrailin işğal olunmuş Fələstin ərazilərində qeyri-qanuni yaşayış məskənləri tikməsi ilə əlaqəli olan KKR investisiya fondu olduğu üçün tədbirdən çıxmaq qərarına gəldiklərini açıqlayıblar.
