İslandiyanın Qrindavik qəsəbəsində müşahidə olunan vulkandan çıxan lava yavaş, lakin sabit şəkildə irəliləyir.
"Operativ Məlumat Mərkəzi-OMM" xəbər verir ki, bu barədə İslandiyanın meteoroloji xidməti məlumat verib.
Alov kütləsi qəsəbənin əsas su kəmərlərindən birinin 200 metrliyinə qədər çatıb.
Qəsəbə əhalisinin əksəriyyəti evlərindən təxliyə ediliblər.
Qrindavik vulkanı dekabr ayından etibarən 4-cü dəfədir ki, püskürür. Ekspertlər bildirirlər ki, lava dənizə çatarsa, təbii fəlakətlə əlaqədar vəziyyətdə daha da pisləşə bilər. Belə ki, onların sözlərinə görə, lava qələvi olduğu üçün dəniz suyu ilə qarışdıqda atmosferə xlor tüstüsü sovurlacaq.
Qrindavik qəsəbəsinin 4 min sakini var. İslandiyada 33 fəal vulkan sistemi mövcuddur.
