İraqda bərpası tamamlanan Beynəlxalq Mosul Hava Limanının açılışı həyata keçirilib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, açılış mərasimində Baş nazir Məhəmməd Şiya əs-Sudani, Müdafiə naziri Sabit Abbasi və Mosul valisi Əbdülqədir Daxil iştirak ediblər.
Sudani bildirib ki, Mosul Hava Limanı 2 ay sonra tam fəaliyyətə başlayacaq.
Bu hava limanı, Bağdad, Bəsrə, Nəcəf, Kərkük, Süleymaniyyə və Ərbildən sonra İraqda istifadəyə verilən yeddinci hava limanı olub.
Mosul Hava Limanı 1920-ci illərdə ingilislər tərəfindən hərbi hava limanı kimi inşa edilmişdi. Daha sonra mülki uçuşlara açılan bu liman uzun illər fəaliyyətsiz qalmışdı. ABŞ qüvvələri 2003-cü ildə İraqı işğal edərkən bu hava limanından hərbi baza kimi istifadə etmişdi.
