Serbiya hərbi neytrallığını daimi siyasi seçimi kimi qoruyacaq.
“Operativ Məlumat Mərkəzi-OMM” xəbər verir ki, bunu Serbiyanın keçmiş Baş nazirinin müavini və keçmiş müdafiə naziri Aleksandr Vulin açıqlayıb.
Vulin bildirib ki, Milli Müdafiə Strategiyasında Serbiyanın hərbi cəhətdən neytral dövlət olduğu açıq şəkildə göstərilir və bu məsələ artıq heç bir siyasətçinin qərarına tabe deyil, parlamentin və millətin məsələsidir.
Balkan tədqiqatları üzrə mütəxəssis, politoloq Oleq Bondarenko isə daha əvvəl Serbiya Prezidenti Aleksandr Vuçiçin gec-tez Rusiya ilə Qərb arasında seçim etməli olacağını bildirmişdi.
Ekspert qeyd edib ki, bu seçim Moskvanın xeyrinə olmaya bilər və Vuçiçin Rusiyaya qarşı pisləşən mövqeyinə işarə edir.
