Gürcüstan Müdafiə Nazirliyi ölkənin şərqində helikopterin qəzaya uğraması və pilotun ölümü ilə bağlı məlumatı təsdiqləyib.
"Operativ Məlumat Mərkəzi-OMM" xəbər verir ki, bununla bağlı Gürcüstan Müdafiə Nazirliyi məlumat yayıb.
“Planlı hərbi təlimlər zamanı Müdafiə Qüvvələrinə məxsus təyyarələrdən biri qəzaya uğrayıb. Qəza nəticəsində Müdafiə Qüvvələrinin aviasiya-hava komandanlığının pilotu Kaxaber Zurabaşvili faciəvi şəkildə həlak olub. Müdafiə Nazirliyi hadisənin səbəblərini müəyyən etmək üçün ekspertiza aparır. Nazirlik həlak olan pilotun ailəsinə və yaxınlarına başsağlığı verir”, - deyə məlumatda bildirilib.
***
Gürcüstanın Kvemo Kartli regionunun Bolnisi rayonunda hərbi helikopter qəzaya uğrayıb.
"Operativ Məlumat Mərkəzi-OMM" xəbər verir ki, bu barədə "Pirveli" telekanalı məlumat verib.
Məlumata görə, helikopter Disevi kəndi ərazisində qəzaya uğrayıb.
Hadisə nəticəsində pilot həlak olub. Bu barədə məlumatı Disveli kənd Meriyasının nümayəndəsi Zurab Şainidze təsdiqləyib.
