"Rusiya dondurulmuş aktivlərinin Avropa ölkələri tərəfindən müsadirə ediləcəyi təqdirdə, öz maraqlarını qorumaq üçün bütün qanuni vasitələrdən istifadə edəcək".
“Operativ Məlumat Mərkəzi-OMM” xəbər verir ki, bu sözləri Rusiya Prezidentinin mətbuat katibi Dmitri Peskov bildirib.
“Rusiya öz maraqlarını qorumaq və bu cür qərarları qəbul edən, həyata keçirən şəxsləri məsuliyyətə cəlb etmək üçün bütün qanuni vasitələr arsenalından istifadə edəcək”, – Peskov vurğulayıb.
Peskovun sözlərinə görə, Rusiya aktivlərinin bu şəkildə müsadirə edilməsi qanunsuz akt olacaq və hüquqi nəticələr doğuracaq.
