"Rusiya Ukraynaya Qərb silahlarının verilməsini diqqətlə izləyir".
"Operativ Məlumat Mərkəzi-OMM" xəbər verir ki, bu sözləri Kremlin sözçüsü Dmitri Peskov deyib.
"Bu mövzu, əlbəttə ki, informasiya gündəmində aparıcı yer tutur. Təbii ki, biz bütün müvafiq hesabatları diqqətlə izləyirik",- o bildirib.
Eyni zamanda, Kreml nümayəndəsi qeyd edib ki, ABŞ Prezidenti Donald Trampın son bəyanatlarına görə, Vaşinqton Ukraynaya birbaşa silah verməyəcək: "Bu, biznesdir. Əvvəllər çatdırılma olub. Heç kim onlara mane olmayıb. Məsələ burasındadır ki, onların pulunu kim ödəyir. İndi bəzi avropalılar onların pulunu ödəyəcək. Fransa və Çexiya artıq bu sxemdə iştirakdan imtina edib. Ona görə də indi orada da fikir ayrılıqları olacaq. Axı bu, o qədər böyük puldur ki, vətəndaşlara heç nə qalmayacaq. Hələlik avropalılar tamamilə fanatik militarist yanaşma nümayiş etdirirlər və gələcəkdə müharibənin davam etdirilməsinə təhrik etmək üçün silahlara külli miqdarda pul xərcləmək niyyətlərini bəyan edirlər"
