Afət Ziyadqızı
Almaniyanın “Patriot” hava hücumundan müdafiə sistemlərinin alınması və Ukraynaya çatdırılması üçün ABŞ-la danışıqlar apardığı bildirilir.
"Operativ Məlumat Mərkəzi-OMM" xəbər verir ki, bu barədə Alman mətbuatı məlumat yayıb.
Məlumata görə, Almaniya hökuməti ABŞ prezidenti Donald Trampın hava hücumundan müdafiə sistemləri də daxil olmaqla bəzi sursatların Ukraynaya göndərilməsini dayandırmasından sonra işə başlayıb.
Almaniya hökuməti ölkəyə ABŞ-dan 2 ədəd “Patriot” hava hücumundan müdafiə sistemi alıb Ukraynaya çatdırmağı təklif edib.
