Maldiv adalarının uzunmüddətli qorunması üçün onları dəniz səviyyəsindən altı metr hündürlükdə qaldırmaq lazımdır.
"Operativ Məlumat Mərkəzi-OMM" xəbər verir ki, bunu Şərqi İngiltərə Universitetinin tədqiqatçıları müəyyən ediblər.
Alimlərin fikrincə, belə bir qərar Maldiv adalarının sakinlərini sunamidən və ərazilərin su basmasından qoruyacaq.
Qeyd edək ki, hazırda adaların 80%-dən çoxu dənizdən bir metr yüksəklikdədir və bu, onları iqlim böhranına qarşı xüsusilə həssas edir.
Ekspertlər hesablayıblar ki, Maldiv adalarını qaldırmaq kifayət qədər baha (hər kvadrat kilometrə təxminən 8 milyon dollar) başa gələcək.
Tədqiqatın müəllifləri həmçinin əlavə ediblər ki, yeni ərazilərin genişləndirilməsi Marşal adaları, Tuvalu və Kiribati kimi digər ada dövlətləri üçün də keçərlidir.
