Ağ Evin sözçüsü Karoline Leavitt 15 avqust Alyaskada ABŞ Prezidenti Donald Tramp ilə Rusiya Prezidenti Vladimir Putin arasında keçiriləcək zirvədən ümidli olduqlarını bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Amerikalı sözçü görüşün Alyaskanın Anchorage şəhərində keçiriləcəyini və Tramp ilə Putin arasında təkbətək reallaşacağını bildirib.
Leavitt zirvədən ümidli olduqlarını və Prezident Trampın da Rusiya-Ukrayna müharibəsinin sona çatması üçün bu görüşə böyük önəm verdiyini vurğulayıb: “Prezident üçün bu görüşün məqsədi, müharibəni necə sona çatdıracağımıza dair daha yaxşı bir anlayışla oradan ayrılmaqdır.”
Zirvəyə Ukrayna Prezidenti Volodimir Zelenskinin niyə dəvət edilmədiyi sualına cavab verən sözçü, bu görüşün Putinin istəyi ilə baş tutduğunu və Trampın daha sonra Zelenski ilə də görüşə biləcəyini bildirib.
