ABŞ-də “Debbi” qasırğası nəticəsində ən azı dörd nəfər ölüb, 160 minə yaxın insan işıqsız qalıb.
"Operativ Məlumat Mərkəzi-OMM"-in məlumatına görə, bu barədə NBC telekanalı məlumat yayıb.
"Dünən gecə saatlarında Florida ştatının Diksi dairəsində baş verən avtomobil qəzası nəticəsində biri 12 yaşlı oğlan olmaqla iki nəfər ölüb, bununla da qasırğa qurbanlarının sayı ən azı dörd nəfərə çatıb", - məlumatda bildirilib.
Həmçinin Florida və Corciya ştatlarında 158 mindən çox insan işıqsız qalıb.
Florida qubernatoru Ron Desantis ştatın 61 dairəsində fövqəladə vəziyyət elan edib.
