OMM Redaksiyası
Bakıda hazırda müşahidə olunan yağmurlu hava şəraiti ilə əlaqədar Zığ dairəsi–Hava Limanı avtomobil yolunun bəzi zolaqlarında sürət həddi 20 km/saatadək endirilib.
"Operativ Məlumat Mərkəzi-OMM" xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzi məlumat yayıb.
Məlumatda bildirilib ki, mövcud hava şəraitinə uyğun olaraq Mərkəzin əməkdaşları tərəfindən məlumat-sürət tablolarında müvafiq dəyişikliklər edilib. Eyni zamanda, bütün elektron tablolar üzərində “sürüşkən yol” xəbərdarlıq nişanı aktivləşdirilib.
Rəsmi qurum sürücüləri təhlükəsizlik məqsədilə müəyyən edilmiş sürət həddinə ciddi əməl etməyə, ara məsafəsini qorumağa və diqqətli olmağa çağırıb.
