Ukrayna Prezidenti Vladimir Zelenski Rusiyanın yaxın aylarda 300 minə yaxın yeni əsgəri orduya cəlb etmək üçün səfərbərlik elan edə biləcəyini bildirib.
“Operativ Məlumat Mərkəzi – OMM” xəbər verir ki, Zelenskinin sözlərinə görə, yeni qüvvələrin əsas məqsədi ilin sonuna qədər Donetsk vilayətinin işğalını tamamlamaq olacaq.
Ukrayna lideri Rusiyanın ilin əvvəlindən bəri təxminən 267 min nəfər şəxsi heyət itkisi verdiyini, onlardan 155 mininin öldüyünü iddia edib.
Zelenski həmçinin Rusiyanın Harkiv və Sumi vilayətlərinə doğru irəliləməyə cəhd göstərə biləcəyi barədə xəbərdarlıq edib.
Ukrayna Prezidenti hava hücumundan müdafiə sistemlərinin, xüsusilə “Patriot” raketlərinin tədarükünün azaldığını da bildirib. O, ölkənin müdafiə sənayesinin gücləndirildiyini və Böyük Britaniyanın “MBDA” şirkəti ilə əməkdaşlıq çərçivəsində “SCALP” raketlərinin Ukraynada istehsalının mümkünlüyünü qeyd edib.
