Ukrayna prezidenti Vladimir Zelenski müharibə şəraitində seçki mövzusunun müzakirəsinin ölkəyə fayda gətirmədiyini bildirib.
"Operativ Məlumat Mərkəzi-OMM" xəbər verir ki, o bu barədə avqustun 20-də jurnalistlərlə görüşündə bu məsələyə münasibət bildirib.
Zelenskinin sözlərinə görə, seçkilərlə bağlı siyasi çağırışlar və müzakirələr cəmiyyəti parçalaya bilər:
“Seçkilər artıq keçirilsəydi, mən şad olardım. Çünki bu mövzu dava, plakat və siyasi çağırışlardan başqa heç nə vermir”, – deyə dövlət başçısı vurğulayıb.
Prezident bildirib ki, onun əsas prioriteti daxili siyasi müzakirələr deyil, müharibənin sona çatdırılmasıdır: “Əsas odur ki, mənə müharibəni bitirmək imkanı versinlər və bundan əvvəl dövləti parçalamamaq lazımdır. Bu, bütün istəyənlərdən yeganə xahişimdir”.
